सन 1953 मध्ये स्थापन झालेली आचिर्णे ग्रामपंचायत, वैभववाडी तालुक्यातील एक प्रगतशील ग्रामपंचायत म्हणून ओळखली जाते. प्रशासनात सरपंच, उपसरपंच आणि ग्रामपंचायत सदस्यांची एक कार्यक्षम टीम गावातील विकासासाठी सतत प्रयत्नशील आहे.
गावात महिला स्वयंसहाय्यता गटांचे जाळे मजबूत असून रणरागिणी, सावित्रीबाई फुले, संतोषीमाता, रासाई, महालक्ष्मी यांसारखे गट महिलांना स्वावलंबनाकडे घेऊन जात आहेत. यामुळे गावाच्या आर्थिक व सामाजिक जीवनाला बळकटी मिळते.
आचिर्णे परिसर शेतीप्रधान आहे. भात, ऊस, नाचणी, कुळीथ, चवळी यांसारख्या धान्याबरोबर काजू, आंबा, फणस, नारळ, सुपारी, हळद, कोकम यांसारखी नगदी व फळझाडे येथे आढळतात. शेतीबरोबरच दुधव्यवसाय, कुक्कुटपालन आणि शेळीपालनही मोठ्या प्रमाणावर चालते.